سياسة الخصوصية

إحنا بنجمع أقل إشي ممكن. ما بنطلب منك تفتح حساب، وما بنطلب إيميل عشان تتصفح أو تطلب.

شو بنجمع

• معلومات الطلب: الاسم، رقم الهاتف، البلدة والعنوان — بس عشان نوصلك الطلب.
• ملاحظات الطلب: إذا كتبت إشي بخانة الملاحظات.
• معلومات تصفح: صفحات شفتها ومنتجات ضفتها للسلة، عن طريق أدوات تحليل زي Meta Pixel و Google Analytics و TikTok Pixel (إذا كانت مفعّلة).

شو ما بنجمع

• ما بنطلب ولا بنخزن أي تفاصيل بطاقة. ما في دفع أونلاين على الموقع أصلاً — الدفع كله كاش عند الاستلام.
• ما بنبيع معلوماتك لأي حدا.

السلة

محتوى سلتك بينحفظ على جهازك انت (localStorage) مش على سيرفراتنا، عشان ترجع تلاقيه لما تفتح الموقع من جديد. بتقدر تمسحه بأي وقت من إعدادات المتصفح.

واتساب

لما تضغط على زر واتساب، بينفتح تطبيق واتساب برسالة جاهزة فيها تفاصيل المنتج. رقمك بيوصلنا بس لما تبعت الرسالة انت.

حقوقك

بتقدر تطلب منا نحذف معلومات طلبك أو نصححها — ابعتلنا على واتساب ومنعملها.